Имам долгогодишно искуство како доктор во општа и специјалистичка здравствена заштита. По завршување на Медицинскиот факултет „Св. Кирил и Методиј“ во Скопје, волонтерски работев во Клиника за Дигестивна хирургија, а по заокружување на процесот на ECFMG (Educational Commission for Foreign Medical Graduates) работам во јавно здравство, пред да започнам во приватниот сектор, во една од првите приватни гинеколошки ординации во Македонија – „ПЗУ Др. Келешов“. Во 1994 започнав специјализација по Гинекологија и Акушерство под менторство на Проф. Јанаки Наумов, со посебен интерес за цервикална патологија и колпоскопија, што резултираше со коавторство во првиот Колпоскопски Практикум во Македонија (1997). Од 1999 до 2005 работев како US Department of Defense Contractor – TF MED Falkon и 212 Combat Support Hospital (CSH), а од 2005 ја основав сопствената приватна ординација „Гинолабор“ во Куманово, каде што работам до денес.

Имам бројни меѓународни и домашни обуки, вклучувајќи 3D/4D морфолошка ехосонографија (Амстердам), Congenital Anomalies & Fetal Echocardiography (Лондон), Obstetric Doppler (Кембриџ) и OSCE испит за колпоскопија и превенција на рак на грло на матка (IARC, Лион, 2017). Долгогодишно придонесувам во Националната Комисија за Превенција на Рак на грло на матка и активно промовирам HPV базиран скрининг на CaCx. Во 2022 год успешно го заокружувам теоретскиот дел на Трет циклус – Докторски Студии при Универзитетот Св Кирил и Методиј во Скопје, во областа на Клиничка Медицина. Сертифициран сум за Clinical Guidelines Developement in Sexual and Reproductive Health, активен член сум на ASCCP, ACOG, The New York Academy of Sciences и Здружението на Приватни Гинеколози и Акушери, каде што во два мандати бев член на Управен Одбор, а од Март 2026 год сум Избран Претседател на ЗПГА.